“رشي الزيت على سلك المواعين هترجعي مطبخك جنة من تاني، أيوة زي ما بقولك كده، خالتي بتكلم أمي قالتلها عندي ليكي وصفة سحرية هتخلصك من وجع قلب تنضيف المطبخ بعد عزومات العيد، ردت خالتي وقالتلها الحقيني بيها يأختي، وخد عندك بقى أمي ما صدقت، هاتك يا وصف لحد ما خالتي صدقت وجابت ورقة وقلم وقعدت تكتب وراها، سمعت أنا الموضوع ده مقدرتش أفضل ساكتة وأخبى الوصفة دي ومقولش لكل الناس عليها، هاتي ورقة وقلم بقى يا ست الكل واكتبي ورايا وصفة أمي لتنظيف المطبخ”.
وصفة الزيت على سلك المواعين
رشي الزيت على سلك المواعين أو “زي ما قولتلكم وصفة أمي” يمكنكم من خلالها التخلص من الدهون المتراكمة على سطح البوتاجاز والسيراميك والفرن والبقع الصعبة في ثواني من خلال استخدام المكونات الآتية:-
- زيت قديم.
- 3 ملاعق من عصير ليمون.
- 2 ملعقة من بيكربونات الصوديوم.
- ملعقة كبيرة من الملح.
- كوب من سائل الاطباق.
طريقة التحضير
- نضع الزيت القديم أو المستعمل على النار في إناء عميق.
- نضيف الملح وعصير الليمون وبيكربونات الصوديوم على الزيت.
- نضيف قطعة السلك في الزيت وهو في حالة الغليان.
- نرفع السلك من الزيت.
- نرفع الخليط من على النار.
- نضيف سائل الاطباق معه.
- نغمس السلك في الخليط.
- يتم مسح البوتاجاز أو السيراميك للتخلص من الدهون.
- نمسح الفرن أو السيراميك بقطعة قماش نظيفة وستلاحظين النتيجة.
تقدري تستخدمي خلطة رشي الزيت على سلك المواعين في التخلص من جميع البقع الصعبة بما فيها المواد الكيمائية، بالإضافة إلى أنها سوف توفر عليك سيدتي التعب والمجهود الجبار التي تبذليه في إزالة الدهون والأوساخ العالقة بالأواني والحلل وتوفر أيضًا التكاليف باهظة الثمن التي تهدر في شراء المنظفات الصناعية التي لا تُجدي نفعًا.
