سخر الإعلامي عمرو أديب من تعامل عناصر جماعة الإخوان الإرهابية من تسليم عبد الرحمن القرضاوي إلى دولة الإمارات.
وقال أديب خلال برنامج “الحكاية” المذاع على قناة إم بي سي مصر” ساخرا: “ليا عتاب بس على جماعة الإخوان والإعلاميين يعني ايه الضعف اللي كنتوا فيه ده إنتوا معملتوش حاجة خالص للراجل، الراجل اتسحب منكم ومعملتوش أي حاجة أكبر تجمع وقف في شارع كان فيه 10 أنفار هي دي المظاهرات التي تليق بابن الداعية يوسف القرضاوي”.
وأضاف: “كل واحد فيكم في البرنامج بتاعه بالليل عمل فقرة وزعق ومشي هو تافه آه ولكن إيه الضعف ده والأمر وصل أنه البعض منكم انتقد أن محدش عمل حاجة طيب جوه تركيا دا مواطن تركي مفيش مظاهرة مفيش حد بيقول الحقوا عبد الرحمن؟ إنتوا إزاي بالضعف ده وكله كتب إحنا كده إزاي وإحنا معملناش حاجة”.
وتابع: “إنتوا قررتوا تخدوا بالكم بالعيال وحياتكم وتسيبوا القضية المهمة؟ تسيبوا مصر والإمارات والسعودية وتسيبوا هدم المجتمعات زمان الشيخ القرضاوي دلوقت بيتقلب في قبره لم يتحرك أحد ومعملوش حاجة خالص”.
وواصل: “هما دول الإخوان يا جماعة؟ طيب والناس اللي قاعدة في لندن دي؟ معرفوش يعملوا له مظاهرة الراجل والراجل وهو قاعد دلوقت في أبو ظبي هيشعر بالخيانة وعلى فكرة محدش فيهم بيقبلوا بس برو عتب يعني”.
وواصل: “أنا تخيلت أن نار وفي تركيا نار وفي التانية دي نار ولكن ولا الهوا لم يتحرك أحد ولم يفعل أحد شيئا، وبالكتير بس طلعوا، أداء محبط وتافه ودولة الإمارات خدت الموقف بجدية وبصرامة أنا الإمارات الدولة بقول مش هينفع بقى الكلام ده”.
وأكمل: “الواد عايز يركب موجه راح سوريا وعمل الفيديو وحضراتكم فاكرين طبعا وفجأة الإخوان عايزين يعلمونا الأدب ويقول لك فجأة بلاش شماتة دا أنا لو جالي صداع هتنزلوا ترقصوا في الشارع دا الراجل المحترم نبيل الحلفاوي لما مات شمتوا فيه الشماتة عندكم دين”.
وذكر: “إنتوا أحقر الناس إنتوا بتعلمونا إحنا الأدب؟ ولما تيجي تكلمهم يقولك لا شماتة الراجل ده كان بيحرض على الجيش والشرطة نجبله بونبوني؟ الناس اللي ماتت وأمهات الشهداء دي نقولها إيه؟”.
واختتم: “هو لو طالك هيدبحك أنا بقول لكل الناس اللي بتيجي في النص تقول يا جماعة، دول قتلة ومأجورين وكذابين”.
