طرحت الشركة المنتجة أغنية “دي معلمة” للمطرب إسلام شيندي من فيلم “الدشاش” والمقرر عرضه بالسينمات يوم 1 يناير 2025.
الأغنية من كلمات إسلام شيندي وحازم إكس، تلحين شيندي.
جاءت كلمات الأغنية كالتالي:
إحنا أشهر من النار على علم
كتبنا الكاف من غير القلم
كلمتنا نافذة بحاضر ونعم
إحنا الدنيا بتمشي بكيفنا
نجيبها وهي طايرة في الهوا
دراعنا حديد عمره ما يتلوى
عملنا في يوم اللي عملوه في سنة
شرق غرب الكل عارفنا
عارف دي تبقى إيه
ولا
دي معلمة دي معلمة
كله يجهز للملحمة
البحر بتاعنا اسأل السمك
عادي نصطادك من غير شبك
على أي لون إحنا ولاد بلد
في ضهر بعض إحنا السند
رجعتنا فاجعة كله يتخض
طالعين لفوق مابنشوفش حد
الهدوء ما قبل العاصفة
اللي فات تسخين واللي جاي جد
عارف دي تبقى إيه
ولا
دي معلمة دي معلمة
كله يجهز للملحمة
دولا مين دولا مين
دولا هوا دول
كل دول تحت المستوى دول
كله هنا من نارنا اتشوى
حارقين في كله إحنا باباه
مايكلش معانا شغل العصابات
طرحت الشركة المنتجة لفيلم “الدشاش” بطولة الفنان محمد سعد وزينة، البرومو الرسمي للفيلم، المنتظر عرضه يوم 1 يناير 2025، بجميع دور العرض المصرية.
خلال البرومو ظهرت مشاهد أكشن عديدة، ومطالبة أحد الأشخاص بقتل “الدشاش” الذي يجسده محمد سعد. وتدور الأحداث داخل “كازينو”.
كانت الشركة المنتجة نشرت بوستر فيلم “الدشاش” عبر حسابها الرسمي على موقع تبادل الصور والفيديوهات “إنستجرام”، موضحة: “عالم الدشاش كله أسرار وحكايات.. انتظروا النجم محمد سعد في فيلم (الدشاش) يوم 1 يناير بجميع دور العرض في مصر و15 يناير بجميع الدول العربية”.
فيلم “الدشاش” من بطولة محمد سعد، زينة، باسم سمرة، نسرين طافش، نسرين أمين، مصطفي أبو سريع، محمد جمعه، وليد فواز، رشوان توفيق، محمد يوسف أوزو، عفاف مصطفى وعدد آخر من الفنانين، والفيلم من تأليف جوزيف فوزى وإخراج سامح عبد العزيز.
