أعلن الفنان أحمد سعد عن موعد طرح ألبومه الجديد الذي يحمل اسم “حبيبنا”، والمنتظر طرحه يوم 15 يناير الجاري.
نشر “سعد” فيديو للترويج للألبوم الجديد عبر قناته الرسمية على موقع الفيديوهات “يوتيوب”، معلقًا: “أحمد سعد.. (حبيبنا) 15يناير 2025”.
نرشح لك: من فيلم “البحث عن منفذ لخروج السيد رامبو”.. استمع: أغنية “تروح لمين” لـ ليجي-سي
وخلال الفيديو قال “سعد”: “طول عمر أحلامي ملهاش سقف وبتطول السما، ووأنا صغير كنت بحب المزيكا أوي وبشوف كل حاجة ألحان حتى الكلام، وكانوا أخواتي يستغربوا وأنا صغير إزاي طفل بيسمع الحاجات التقيلة دي، كنت بسمع مشايخ وأم كلثوم وعبد الوهاب، وكنت بسمع كل أنواع الموسيقى عشان ألاقي لنفسي شكل الناس تحبني به”.
تابع: “اتصدمت أول صدمة، وعرفت أن الطريق مش سهل، وإني محتاج الناس تحبني وفضلت أسعى وأعمل أشكال كتير في المزيكا بحبها، بس مكنتش كل الناس بتحبها، وقعدت 15 سنة بجرب، وأعمل اللي أنا بحبه والناس بتحبه، وأشوف زمايلي بيعملوا إيه عشان أعرف ذوق الناس، لحد ما وصلت إني أعمل اللي الناس بتحبه بالطريقة اللي بحبها وحصل النجاح”.
أضاف: “ببقى طاير في السما وأنا واقف على المسرح والناس بتغني ورايا.. وعرفت إن المسئولية بدأت، وإني محتاج زي ما بعمل اللي الناس بتحبه، كمان أعمل اللي أنا بحبه، وأنا مصدق إن اللي بتحبه من قلبك الناس أكيد هتحبه معاك، وهي دي تجربتي المرة دي؛ هاخد الناس وأطير في السما بـ اللي أنا بحبه”.
يذكر أن آخر أغاني الفنان أحمد سعد، كانت أغنية “جاري البحث” وهي من كلمات عماد عبيد، ألحان هانى فاروق، ألحان إسلام شيتوس.
