هو الرئيس السيسي كان يقصد ايه لما قال إن مصر بلد كبيرة أوووي وقوية أوووي وليه كررها 3 مرات والرسالة كانت موجهة لمين وايه علاقة رسالة الرئيس بالاقتصاد.. في الفيديو ده هنقولكم على التفاصيل.. خليكم معانا للآخر
امبارح الرئيس السيسي زي عادة السنوية زار الاحتفال بعيد الميلاد المجيد مع الأقباط في كاتدرائية العاصمة الإدارية الجديدة وقال كلمة مهمة جدا ضمن كلامه على مصر والأوضاع والظروف الصعبة اللي مرت بيها في السنة اللي فاتت وكلنا عارفين إن الظروف دي كانت نتاج أزمات حولينا احنا مش طرف فيها لكن أثرت في مصر بشكل مباشر بسبب الخسائر الاقتصادية الكبيرة اللي اتعرضت ليها مصر بداية من الفجوة الدولارية وخروج الأموال الساخنه مروراً بارتفاع الأسعار العالمية بشكل غير مسبوق وصولا لنزيف الخسائر في قناة السويس نتيجة للأحداث في المنطقة وفي روسيا وأوكرانيا ودا ضغط على العملة المحلية بشكل قياسي وارتفعت أسعار السلع وزاد التضخم.
لكن الرئيس السيسي قال إن السنة الحالية 2025 هتكون أحسن وأفضل من اللي السنة اللي قبلها وإن مصر قدرت تعبر المرحلة الخطرة من الأزمة لكن الرئيس قال جملة مهمة جدا وبالاصح رسالة لمن يعنيهم الرسالة لما قال إن مصر بلد كبيرة وقوية أوووي وكررها 3 مرات والتكرار هنا معناه التأكيد على الرسالة وتحذير للأطراف المتربصة بمصر و الرسالة دي رد على الجهات والجماعات اللي فاكرة مصر دولة ضعيفة وممكن احداث تهزها أو التأثير على شعبها وعشان كده الرئيس قال قبلها إن حجم الوعي والفهم عند المصريين كبير جدا وواعين جدا للي بيحصل حوليهم من مؤامرات وتحريض ومحاولات تصدير الفوضى من دول تانية الصراع الداخلي قضى عليها وعلى اقتصادها.
طيب الرئيس كان يقصد ايه بمصر كبيرة وقوية اووي؟
الرئيس السيسي هنا قصد كل مقومات القوة في الدولة المصرية سواء من حيث القوة البشرية ومصر دولة شعبها اكتر من 100 مليون نسمة وكان يقصد عراقة الدولة المصرية لما اتكلم عن وعي الشعب للي بيحصل حوليه والشعوب العريقة صعب جدا تتخدع وبيكون قلبها على بلدها ويتكون صاحية اووي للمؤامرات وعشان كده مفيش قوى قدرت تصدر ليها الخراب.. كمان الرئيس كان يقصد بقوة مصر قواتها المسلحة واللي تملك من القوة والرجال والعتاد اللي يخليها تغير موازين اي معادلة بالمنطقة وقادرة تحمي بلدها من اي عدوان وقادرة ترسم خطوط حمراء لاعدائها.
الرئيس السيسي كان يقصد كمان بقوة مصر الكبيرة الاقتصاد الوطني واللي دخل مرحلة الاقتصاديات الكبري من حيث البنية الأساسية الحديثة والتصنيع والتجارة واللوجستيات والسياحة والزراعة والنقل والتطور اللي بيحصل في كل القطاعات وعشان كده الرئيس قال إن الدولة بتعمل انجازات ضخمة بس محدش بياخد باله منها وهنا الرئيس كان بيقصد المشروعات العملاقة في كل المجالات واللي غيرت خريطة اقتصاد مصر وخلته على طريق الكبار واكبر المؤسسات المالية الدولية قالت إنه هيكون من بين اقوى اقتصاديات العالم ودا بسبب مؤشرات الصعود اللي رصدتها المؤسسات دي وبنت عليها توقعاتها وقالت إن مصر في طريقها تكون غول اقتصادي مع الخطط الاقتصادية اللي ماشية عليها وخلت مصر قبلة للاستثمارات الدولية الضخمة والصفقات الكبيرة واكتر سوق جاذب للاستثمار دلوقتي في افريقيا والمنطقة.
