ردت الفنانة مي فاروق على الانتقادات الحادة التي تعرضت لها عقب حفل زفافها من الفنان محمد العمروسي.
قالت “فاروق” خلال مداخلة هاتفية مع الإعلامي عمرو أديب في برنامج “الحكاية”، المذاع عبر شاشة “mbc مصر”: “أنا اتجوزت بس، معملتش أي حاجة والحمد لله كان يوم حلو والناس اللي كانت موجودة كانت جاية بحب وفرحة، كل الفنانين والأصدقاء وعيلتي وولادي قبل أي حد، كل الناس كانت فرحانة وبس معرفش إيه اللي حصل بعد كده مش فاهمة”.
نرشح لك: صور وفيديوهات من حفل زفاف مي فاروق ومحمد العمروسي
أشارت: “ارضاء الناس غاية لا تدرك كل اللي بمله ارضي ربنا واكون ام ولادي يفتخروا بيها طول الوقت واعمل اللي ربنا قال عليه في الحلال ودي آرائهم هما أحرار فيها”.
تابعت: “ليه مقولش إني بتجوز قدام الدنيا كلها؟ لما بعد 6 سنين أنا أم بأولادي لوحدي ومسئولة عنهم وعن شغلي بس، يوم ما اقرر اتجوز، أنا واحدة ست عايزة تتبسط وولادي يتبسطوا بيا ومعايا ونفرح ونعلن قدام الدنيا كلها إن إحنا بنعمل حاجة حلوة ترضي ربنا ومبسوطين، إيه المشكلة إني أعلنت؟ تضايق الناس في إيه؟”.
أردفت: “الناس بدأت تحلل نظرة ابني وبنتي ليا وقلبها موجوع، وبعدين محدش يعرف حاجة عن حياتي الشخصية بس حبيت يعرفوا اني اني اتجوزت انا ولادي نمرة واحد في حياتي وكل حاجة تيجي بعدهم أنا مليش دعوة بالناس”.
