طرح مطرب المهرجانات عصام صاصا أغنية جديدة بعنوان “واكلين المستهبلة”، عبر قناته الرسمية “يوتيوب”.
الأغنية من كلمات مصطفى الجن، توزيع موسيقي كيمو الديب.
نرشح لك: كلمات أغنية “حطة إيدك” لـ عزيز مرقة
وجاءت كلمات الأغنية كالتالي:
واكلين المستهبلة
طب عادي مفيش مشكلة
غلطاتكم متسجلة
جاي حساب الفواتير
اتقلوا هتتكيفوا
وساعتها بقى هتعرفوا
اللي يحن أنا هكرفوا
ما أنا مش شايف تقدير
مشيتها تشوفنى هشوفك
متجيش وتقولى ظروفك
أنا هعمل إيه بكسوفك
يا حبيبي صعبت عليا
أسلك علشان اسلكلك
هتحور مش هضحكلك
والله بيبان على شكلك
يا بنى أنا بقراك بعنيا
خليكوا عارفين بس وفاهمين
لقطاتكوا دي مش بنساها
وأن عديتهالكوا ياريت تفهموا
إن أنا عديتكوا معاها
بطلت عتاب وقفلت الباب
اللي مودينى في متاهة
ده أنا بدل الصفحة فتحت كتاب
ما بناقص منكوا بلاها
وصلوا للي مفكرنى
بزعل على اللى بيخسرنى
ما يغور اللى يعكرنى
أصلها مش طالبة صداع
والله فى حالى أحلالى
مبسوط ومريح بالى
ولا فارقة عزيز ولا غالي
ماشيه في كل الأوضاع
اسمع بقى كلمة أخيرة
ما تشغلش الشريرة
هتدور شغلانة كبيرة
خدها نصيحة بقولهالك
اللى قصادك فى العند
معروف عنو أنه ترند
خليك عامل من الهند
وأنت يا أمور وخيالك
مشكلتك أنك واهم نفسك
عايش دور مش دورك
والله بفصل من الضحك
أنا لما بصدفه بشوف منشورك
خف الأفورة بطل منظره
فووق للى بقولهولك
والله ما جايبك فعلا ورا
غير حواراتك وغرورك
آخرة تفكيرك فيا
هيجبلك حاله نفسيه
ليه شغلت دماغك بيا
طب اديك مبقتش تنام ..
مليون مره قايلهالك
انا حد غير اللى فى بالك
طب قابل اللى هيجرالك
بينى وبينك الأيام
فتره واخليك تتمنا
على رزقك بس استنا
على نار مستنى الرنا
المح رقمك قدامى
بكره اللى فى بالى يحن
واعتبرو زبون بيرن
متقوليش حن ياجن
انسا تعوض ايامى
انا زى الموت مبجيش فى العمر
غير مره ولا بتكرر
كان حلم حياتك ارد عليك
صدفه تشوفنى ونتصور ..
جيتلى فى اعجاب من تحت الباب
ودخلت على المتدور
انا عندى الشات بالأسكرينات
على مين جاى وهتحور ..
