السبت 04/يناير/2025 – 07:04 م
تفحص الأجهزة الأمنية بوزارة الداخلية، انتشار مجموعة من الجروبات عبر موقع التواصل الاجتماعي فيسبوك، يعرض من خلالها الأطفال بالتبني قبل ولادتهن أو بعدها أو اليتامى بمقابل مادي.
واستنكر عدد من رواد التواصل الاجتماعي، انتشار حسابات لعرض بيع الأطفال، مطالبين بإلقاء القبض عليهم وسرعة غلق الجروبات.
وقالت أحد المتابعين: ده في كذا جروب، أقسم بالله البوستات حقيقية ومرعبة، حسبي الله ونعم الوكيل، واحدة بتقول في التعليقات إنها اتبنت طفلة من الصفحة ودلوقتي بقى عندها 4 سنين وعاوزة تقولها إنها مش أمها، لقيت كومنتات بترد عليها تقولها احنا عيالنا كده ومش هنقولهم، طب هو ده حقيقي طيب ولا أيه، بجد حد يفهمني لأن نفسيتي تعبت.
وأضاف حساب آخر: أنا بجد مش فاهمة إيه اللي بيحصل ده وهنروح على فين تاني، اتقوا الله يا جماعة، من إمتى والبني أدمين بتتباع، ازاي قلوبكم بترتاح وتعرفوا تناموا، أنتوا مش بني آدمين لا يمكن مش مصدقة، ولا عقلي مستوعب، ازاي بني أدم يبيع طفل طيب وبعد الفلوس متخلص هيعمل إيه؟!.
وطالب أحد المتابعين: يا جماعة الجروب دا حرام ولازم يتقفل فورا علشان عمال يلم ريتش وناس بالهبل، اتقوا الله بقا، حسبي الله ونعم الوكيل، كله يعمل إبلاغ ومحدس يشير الجروب لو سمحتوا.
ونشر آخر: ياللي يبتليكو بمصيبة أنا معدية الـ 108 ألف جنيه، وعملت حقن مجهري ومنجحش وهكمل تاني واعمل حقن تاني لحد لما ينجح بإذن الله، وكل ده طبعا بتكاليف تانية غير العلاج، ولو هبيع هدومي هكمل، وانتوا بتبيعوا عيالكوا، انتوا متعرفوش قيمة العيل.
