يا ترى لو عندك شهادات ادخار حاططها في البنوك المصرية، وعايز تعرف نسبة الفايدة بتاعتها هتعمل كام على السنة الجديدة 2025، تعرف إزاي وتعمل إيه، وإزاي تقدر تحصل على أعلى عائد من الشهادات بتاعتك، وتزود فلوسك وتعظم إيراداتك.
طبعا كلنا عارفين إن البنوك المصرية بتتنافس دايما على تقديم أفضل الشهادات الادخارية للعملاء، عاشت كده بتجذب العملاء من خلال وضع عائد مرتفع على الشهادات دي، واللي بيتنوع ما بين السنوي ونصف السنوي وربع السنوي والشهري واليومي.
وفي نفس الوقت، كتير من المصريين بيهتموا دلوقتي بالبحث عن أعلى شهادات الادخار في البنوك المصرية، وده طبعا بالتزامن مع موعد استحقاق شهادات الـ%27 اللي اطرحت من فترة.
ومع بداية السنة الجديدة 2025، بتحصل استحقاقات لشهادات الادخار صاحبة العائد المرتفع واللي بيوصل ل 23.5% و27%، واللي كانت أصدرتها البنوك في أوائل سنة 2024، و الاستحقاقات دي شغالة دلوقتي في البنك الأهلي وبنك مصر.
ولو حضرتك عايز تعرف طريقة الحصول على أعلى عائد من شهادات الادخار في مصر، فنستعرضلك مجموعة من الشهادات صاحبة العائد المرتفع.
واللي أولها شهادة SAIB ONE في بنك SAIB، واللي بتوصل نسبة الفائدة عليها الشهادة ل 26.25%، ولكن الحد الأدنى لشراء الشهادة لازم يكون 5000 جنيه، بس ميزتها انها بتتمتع بدورية صرف يومية، ولكن بتصل مدة ربط الشهادة ل 3 سنين.
ولو هنحسب العائد اليومي على شهادة SAIB ONE، فممكن العميل اللي هيشتري الشهادة مثالا بقيمة 500 ألف جنيه، يحصل على عائد يومي بيوصل ل 364 جنيه.
نيجي بقى للشهادة المتغيرة الثلاثية في البنك الأهلي الكويتي، واللي بتوصل نسبة الفايدة عليها ل 27%، في حين بتصل مدة ربط هذه الشهادة ل 3 سنين، لكن دورية صرف يومية ودي ميزة إضافية، وكمان بيبلغ الحد الأدنى لربط الشهادة 1000 جنيه.
أما العائد اليومي للشهادة المتغيرة الثلاثية في البنك الكويتي، فالعميل اللي هيشتري شهادة ب 500 ألف جنيه، هيحصل على فايدة يومية بتوصل ل 375 جنيه.
ومن البنك الكويتي لبنك الإسكندرية، واللي بيطرح شهادة “يوم ورا يوم” بنسبة فايدة 26.5%، وبدورية صرف يومية، والحد الأدنى لشراء الشهادة لازم يكون 10 آلاف جنيه.
العائد اليومي من شهادة يوم ورا يوم، اللي ب500 ألف جنيه، فبيكون 368 جنيه يوميا.
فلو حضرتك ناوي تحسب فلوس شهاداتك، أو ناوي تحط فلوسك في شهادات ما السنة الجديدة، اختار شهادة مناسبة فلوسك واحسب حسبتك كويس وتوكل على الله.
