الدهب واحد من الحاجات اللي اغلب الناس بتقدمها كهديا خصوصا الناس المتحابين، بس للاسف شعبة الذهب صدمت الناس اللي عايزة تشتري هدايا.. ياتري اية هيا الصدمة دي وهل هتاثر علي مبيعات الذهب في 2025.
راس السنة واحدة من المناسبات اللي اغلب الناس بتقدم هدايا فيها بين الناس وبعضهم البعض، وطبعا كل واحد بيدورح علي الهدية اللي تناسب الشخص اللي هيقدمها له، وطبعا مفيش احسن من الذهب اللي اغلب الناس بتقدمه كهدية ويكون حاجة حافظة قيمتها في الايام اللي جاية وكمان يحقق مكاسب من حفظه كهدية صعب التفريط فيها.
في الأيام الحالية محلات بيع الذهب بتشهد اقبال كبير من المواطنين لشراء الهدايا واللي غالبا بتبقي عبارة عن خواتم ودبل، علشان يقدمومها لاحبابهم، في احتفالات راس السنة الميلادية الكريسماس، ودي مناسبة العالم كله بيحرص علي الاحتفال بيها.
طيب اية الصدمة اللي وجتها شعبة الذهب للمصريين في احتفالات راس السنة؟.
ناجي فرج، مستشار وزير التموين للذهب، قال أن في ارتفاع هيبدأ محلات الصاغة تطبيقه من النهاردة في أسعار المصنعية ودي بتعتبر زيادة سنوية ودي بتكون بسبب ارتفاع تكاليف التشغيل وزيادة المسبوكات ومصاريف الإنتاج.
مستشار وزير التموين للذهب كمل كلامه وقال أن متوسط الزيادة في سعر المصنعية بيتراوح بين 15 جنيها لعيار 21 جنيها، و20 جنيها لعيار 18 و24 ، وأن سعر المصنعية على الجرام 21 للشركات المصرية بيتراوح بين 70 و90 جنيها، وبيتراوح سعر المصنعية لعيار 18 بين 100 و 130 جنيها للجرام.
مستشار وزير التموين قال كمان أن أسعار المصنعية بتختلف باختلاف نوع المشغول الذهبي والورشة أو الشركة المصنعة، وتختلف برضوا في حالة لو كان المشغول ذهب سواء كان خاتم أو غويشة أو أي حاجة من الحاجات اللي الناس بتلبسها، أو النوع الثاني وهو السبائك الذهبية ده غير أن المصنعية بتحتلف باختلاف نوع العيار ، ده غير أن مصنعية السبائك الذهبية بتعتبر أقل من مصنعية المشغولات الذهبية.
فرج اختتم كلامه وقال أن متوسط مصنعية السبائك بتتراوح بين 45 و 65 جنيها، وبختلف باختلاف الشركات والأوزان،وكل ما وزن السبيكة ارتفع بترتفع المصنعية اللي المواطن هيحطها عليها .
