علق الإعلامي أحمد موسى على تصريحات الإخواني الهارب حمزة زوبع والتي هدد فيها بتكرار نموذج الجولاني في سوريا في دول عربية أخرى بقوة السلاح.
وقال موسى خلال برنامج “على مسؤوليتي” المذاع على قناة “صدى البلد”: “إرهابي تبع التنظيم الدولي الإخواني اسمه حمزة زوبع، زوبع بيتكلم عن أبو محمد الجولاني واللي حصل في سوريا وبيهدد الدول العربية وبيقول لا يا جماعة الجولاني مش جاي من عمل اجتماعي دا جاي معاه المسلحين بتوعه وبقوة السلاح”.
وأضاف: “بيقول بالمناسبة دول مش ناس طيبين واحنا عارفين أنهم مش طيبين وعارفين أنهم تنظيم القاعدة وداعش ولكن دا ييجي كمان من أحد عناصر تنظيم الإخوان الإرهابي اللي شغالين دعم كبير على مواقع التواصل الاجتماعي، هما نفسهم اللي بيقولوا النهاردة أو واحد منهم بيتكلم بلسانهم وبيقول اللي حصل في سوريا هيمتد لبلادكم”.
وتابع: “هناك بيتكلم أن الحكاية مش سوريا بس وزوبع النهاردة بيقول الكلام ده، دا إخواني وهربان برة وبيهدد وبيقول اللي حصل في سوريا هيمتد للدول العربية بالسلاح دا كلام في غاية الأهمية للناس اللي عمالة تقول الجولاني أصله وفصله وصوته هادي، دا هما كده يبدأ الأول شوية هدوء شوية حنيه وحنان وأما يتمكن تشوف بقى الوجه الحقيقي اللي هو قطع الرقاب وليس لها بديل”.
وواصل: “بدأوا الإخوان عندنا كده والعالم الغربي والأمريكان وعزيزي بيريز وقالوا مشاركة وهنبقى حكومة واحدة شعب واحد وفي الآخر أخونة والتمكين زي اللي بيحصل في سوريا دلوقت التمكين التمكين، اللي هو دستور بعد 3 سنوات وانتخابات بعد أربعة وبتكلم عن فترة انتقالية 10 سنوات ودا هزار يعني”.
