طرح الفنان رامي جمال أغنية جديدة تحمل اسم “حياتي الحلوة” من ألبومه “مش لاقيكي”، عبر قناته الرسمية على موقع الفيديوهات الشهير “يوتيوب”.
أغنية “حياتي الحلوة” من كلمات حسام سعيد، ألحان محمد النادي، توزيع ومكس وماستر يحيى يوسف.
وجاءت كلمات أغنية “حياتي الحلوة” على النحو الآتي:
أنا اتغيرت على إيدك
أنا بقيت حد تاني بجد
واللي عملته يا حبيبي
معملوش قبل منك حد
سنين من عمري أنا فاتوا
ماكنتش حاسس إني بعيش
وجيت في ثواني خليتني
بقيت أسعد واحد على الأرض
حياتي الحلوة دي
أنت السبب فيها
وراحة قلبي مديونلك كمان بيها
ولو في حاجة تستاهل أعيش ليها تبقى أنت
بقيت يا حبيبي أغلى عليا من روحي
ولو مجروح وشوفتك بانسى أنا جروحي
ولو هاحلم بحاجة أنا حلمي وطموحي معاك أنت
أنا اطمنت على قلبي ومش خايف عليه دلوقت
وبطمن عليه أكتر كل ما يمشي بيا الوقت
بتثبت يوم ورا التاني بان انت اللي بحلم بيه
وعدتني ياما بالفرحة ونفذت الوعود وصدقت
حياتي الحلوة دي انت السبب فيها
وراحة قلبي مديونلك كمان بيها
ولو في حاجة تستاهل أعيش ليها تبقى أنت
بقيت يا حبيبي أغلى عليا من روحي
ولو مجروح وشوفتك بانسى أنا جروحي
ولو هاحلم بحاجة أنا حلمي وطموحي معاك أنت
يشار إلى أن الفنان رامي جمال كان قد طرح ثلاث أغاني من ألبومه “مش لاقيكي”، وهما أغنيتي “نومي مخاصمني” و”وجوده تعبني” و”ولا بفتكرك”
أغنية “نومي مخاصمني”، من كلمات فليبينو، ألحان محمد حمزة، توزيع ومكس وماستر أمين نبيل.
أغنية “وجوده تعبني”، من كلمات عمرو المصري وألحان عمرو الشاذلي وتوزيع ومكس وماستر عمرو الخضري.
أغنية “ولا بفتكرك” من كلمات أحمد المالكي، ألحان محمدي، توزيع ومكس وماستر أحمد أمين.
