أكد الإعلامي أحمد موسى أن الرئيس الأمريكي المنتخب دونالد ترامب هدد الشرق الأوسط بأكمله حال لم يتم الإفراج عن الأسرى الإسرائيليين الموجودين في قطاع غزة.
وقال موسى خلال برنامج “على مسؤوليتي” المذاع على قناة “صدى البلد”: “الكلام اللي قاله الرئيس الأمريكي المنتخب ترامب في منتهى الخطورة، ترامب مش بيهدد حماس وبتاع لا ترامب قايل تصريح يهدد الشرق الأوسط كله، قالك إذا لم يتم الإفراج عن الإسرائيليين قبل يوم 20 يناير هيشهد الشرق الأوسط جحيم لم يحدث في التاريخ”.
وأضاف: “يهدد ترامب بأنه هيقوم بأكبر هجوم من جانب أمريكا على الشرق الأوسط وهذا أمر يتطلب العالم العربي احنا رايحين لفين، والمنطقة رايحة لفين، وبالمناسبة ترامب ممكن يعملها، وترامب مش بيقول كلام وخلاص”.
وتابع: “ترامب قال الكل هيدفع تمن باهظ وكلام ترامب في منتهى الخطورة وهي رسالة للعالم كله، العالم جاي وترامب جاي بأجندة مختلفة هذه المرة، هو جاي يمكن إسرائيل ويعملها توسع وكلام ترامب لازم ناخده على محمل الجد مش هزار ولازم نعرف كده ومبتكلمش عن حماس أنا بتكلم على المنطقة بالكامل ترامب بيهدد الشرق الأوسط كله والمنطقة بالكامل”.
وواصل: “التهديد دا واضح أن إسرائيل مش هي اللي هتعمل هو اللي هيعمل، ممكن ترامب بيتكلم عن كارثة تأتي للشرق الأوسط وهو أدى دلوقت بيتكلم على مهلة يعني الكام يوم الجايين دول بيقول لحماس إما الإفراج عن دول يا إما مش حماس بقى بيتكلم على الشرق الأوسط كله هيدفع التمن”.
واختتم: “هذا تهديد للعالم كله هذا أكبر تهديد يخرج على لسان الرئيس الأمريكي المنتخب وهو تهديد حقيقي ولازم كلنا ناخد بالنا وهذا أمر ميتسكتش عليه، والتعامل مع ترامب غير التعامل مع بايدن وترامب رجل متهور ولما بياخد قرار هيعمله ودا كمان يتطلب العالم العربي كله يصطف وهنا هو مبتكلمش على حماس”.
